Ish-kryebashkiaku i Fushë-Arrëzit Alfred Qafa është emëruar sekretar i Degës së PD-së, Pukë, post për të cilin ishte propozuar nga kryesia e re e kësaj dege.
Me vendimin e zbardhur nr. 5/12, të datës 25 janar 2019, të firmosur nga kryetari Lulzim Basha, emërimi i z.Qafa në këtë pozicion, përveçse plotëson suazën e plotë të strukturave të reja në parti, vjen dhë si domosdoshmëri e përgatitjeve për aksionin e shpallur nga opozita për fillimin e protestave, të cilat priten të kulmojnë me kërkesën e panegocueshme për qeveri tranzitore dhe me largimin e Ramës, si parakusht për zgjedhje të lira dhe të ndershme.
Z. Qafa vjen në këtë post, si një zgjedhje entuziaste dhe me një kredencial të lartë publik, duke qenë një nga emrat më të preferuar të demokratëve pukjanë.
Nga sot e në vazhdim, me emërimin e sekretarit të ri, drejtimi i degës së PD-së Pukë përmes harmonizimit të treguesve të përfaqësimit, vjen si kurrë më parë me një mentalitet të ri dhe me figura që spikatin për kontributet reale në PD./InfoPressAlbania/
