Të rinjtë e FRPD-së Mamurras kanë denoncuar së fundi përmes rrjeteve sociale, valën e arrestimeve që po kryhen në këtë qytet me prapavijë politike. Këta të rinj, kanë akuzuar kryeministrin Rama, i cili përmes urdhërave politikë ka bërë të mundur arrestimin dhe mbajtjen nën presion të familjarëve të kreut të FRPD, Mamurras, duke shkaktuar një indinjatë të madhe në radhët e qytetarëve të Mamurrasit, të cilët ndjehen nën trysninë e strukturave të policisë së shtetit që me urdhër nga Tirana ushtrojnë kontrolle të paligjshme dhe kryejnë arrestime arbitrare të banorëve.
Ndiqeni të plotë denoncimin që të rinjtë e Mamurrasit publikojnë në rrjetet sociale:
Një mesazh për KryeKadriun e Surrelit! Hiq dorë nga presioni që ushtron nëpërmjet forcës së pushtetit ndaj qytetarëve, studentëve apo familjarëve tanë. Sot në një akt të pashembullt duke përdorur politikisht institucionin e Policisë së Shtetit hakmerret ndaj kryetarit të FRPD Mamurras Mariglen Doçi duke i shoqëruar familjarët e tij, pasi lideri suprem i surrelit nuk pranon të thirret Kadri, ai dëshiron të anatemojë vetëm kundërshtarët e tij. Ti e ke humbur legjitimitetin e kryeministrit, në fakt se ke fituar kurrë, pasi ti nuk e njeh institucionin e votës, ti je kryeministër i votave të blera, bandave dhe oligarkëve të cilët të sigurojnë pushtetin ty dhe ti ju garanton milionat e eurove atyre. Tashmë po afrojnë orët e fundit të regjimit tënd të tmerrshëm ku Rinia Shqiptare do të të hedhë në koshin e historisë.
