Këtë të shtunë e ftuar në emisionin “Thumb” nga Aulona Musta dhe Fatma Haxhialiu ka qenë këngëtarja e njohur Eli Fara.
Eli ka rrëfyer në emision të rejat e fundit nga jeta e saj. Një nga gjërat për të cilën kemi qenë gjithnjë kurioz është se përse Eli është mjaftuar me një fëmijë. Ajo ka një vajzë nga martesa e saj, Marina Farën e cila po ashtu është personazh i njohur për publikun.
Eli është shprehur se në fakt ajo ka dashur gjithnjë të ketë më shumë se një fëmijë, por e ka penguar fakti se për të zgjeruar familjen, të duhet në krah personi i duhur.
“Absolutisht po. Të paktën thoja më parë dua të kem 3 fëmijë. Nuk kam dashur kurrë që të kisha vetëm një. Ndoshta profesioni, koha kalon shpejt. Pastaj është edhe problemi tjetër që fëmijën duhet ta bësh me njeriun e duhur. Nuk është aq e lehtë të bësh një fëmijë. Ndoshta nuk më doli përballë ndonjë njeri i duhur që të bëja një tjetër fëmijë.”,- është shprehur këngëtarja duke shtuar se madje edhe tani do të donte të bëhej nënë nëse në krah do të kishte partnerin ideal. Nuk është kurrë vonë./Blitz.al/
