Dy binjakë, motër e vëlla, janë martuar në një ceremoni luksoze pasi prindërit e tyre besojnë se ata kanë qenë çift në jetën e shkuar.
Djali gjashtëvjeçar me nofkën, Guitar dhe motra e tij, Kiwi kanë lindur në shtator të vitit 2012 dhe që në atë moment prindërit e tyre e dinin se duhet t’i martonin.
Budistët besojnë se binjakët meshkuj dhe femra kanë “karma” nga marrëdhënia në një jetë të mëparshme dhe janë rilindur së bashku, sepse udhëtimi i tyre nuk kishte mbaruar akoma.
Sipas besimit të tyre, dy fëmijët duhet të martohen sa më shpejt të jetë e mundur pasi nëse ndodh e kundërta, mund t’i ndjekë fati i keq në të ardhmen.
Babai i binjakëve, Amornsan Sunthorn Malirat dhe nëna e tyre, Phacharaporn organizuan një ceremoni bujare që kushtoi një mal me para për t’i martuar fëmijët në Samut Prakan, Tajlandë.
Amornsan u shpreh:
“Arsyeja që ne i martojmë binjakët lidhet me faktin që ne besojmë se të dy fëmijët kanë qenë partnerë në jetën e kaluar. Ky është një besim që e kemi trashëguar nga paraardhësit. Ne duhet të organizojmë një martesë për dy binjakët si një zgjidhje për çështjet që ata kanë lënë pezull para se të rilindeshin. Nëse martohen në kohë, ata do të jetojnë jetë të shëndetshme dhe të suksesshme pa sëmundje.”
