Kreu i bashkisë Fushë-Arrëz, Fran Tuci, me rastin e festës së Krishlindjes, ka adresuar një mesazh urimi për të gjithë besimtarët e krishterë dhe qytetarët në tërësi, të bashkisë që ai drejton, duke u dëshiruar Krishlindje të mbara dhe të begatshme.
Në mesazhin e dedikuar, Tuci përcjell optimizmin e tij për një të ardhme më të mirë, si dhe siguron qytetarët e bashkisë Fushë-Arrëz, se: “Krishtlindjet janë inspirimi i energjive jetësore në përballjen me sfidat dhe ndricimi i vizionit për të cuar para zhvillimin e mëtejshëm ekonomik të bashkisë sonë”, -shprehet në urimin e tij kryebashkiaku i Fusëh-Arrëzit.
Ja mesazhi i plotë i urimit:
Të dashur besimtarë të krishterë, qytetarë dhe familjarë të bashkisë Fushë-Arrëz!
Gëzuar dhe për shumë vjet Krishtlindjet! Le të shërbejë lindja e Birit të Perëndisë, si një frymëzim për përtëritje të vlerave shoqërore dhe energjive jetësore; si ndriçim për ecjen para në sfidat me të cilat përballemi; si inspirim besimi dhe shprese për një të ardhme më të mirë.
“Në këtë ditë të shënuar dëshiroj ti shpreh të gjithë besimtarëve të krishterë, por edhe të gjithë qytetarëve dhe familjeve të bashkisë Fushë-Arrëz, urimet më të ngrohta e të përzemërta për festën e Krishtlindjeve:
Gëzuar dhe për shumë vjet Krishtlindjet! Le të shërbejë lindja e Jeuzisit, si një frymëzim për përtëritjen të vlerave shoqërore dhe energjive jetësore; si ndriçim për ecjen para në sfidat me të cilat përballemi dhe për përmbushjen e angazhimeve tona në zhvillimin ekonomik të Fushë-Arrëzit; si inspirim besimi dhe shprese për një të ardhme më të mirë dhe më të sigurtë, duke u karakterizuar nga ndjenja e dashurisë dhe paqes njerëzore.
Uroj që në çdo shtëpi të bashkisë Fushë-Arrëz të mbretërojë paqja e dashuria, lumturia e harmonia.”
Begati, shëndet dhe mbarësi paçi gjithmonë në familjet tuaja !
KRYETARI
Fran TUCI
