Top Channel ka vijuar traditën e këngës së fundvitit, të cilën e ka publikuar mbrëmjen e së shtunës. Autorët kanë zgjedhur këngën “Lule”, kënduar në variantin e saj të parë nga Frederik Ndoci, i cili gjithashtu është përfshirë edhe në këtë klip. Ndërkohë sikurse në vitet e shkuara, edhe këtë vit ata që spikasin në këngë janë drejtuesit e emisioneve dhe spikerat e lajmeve. Ashtu si dhe në vitet e shkuara shihen Genta Popa, Monika Stafa, Arbana Osmani, Eno Popi , Luana Vjollca, Albana Osmani, Alaban Dudushi, Filip Cakuli, apo më të rinjtë në këtë ekran, si Flori Gjini, Oriela Nebiaj, Stela Kotri, Klea Huta, Oriela Çano Kosho etj. Klipit nuk i mungojnë zërat e njour të këngëtaree Kamela Islamaj dhe Marsela Çibukaj, apo edhe çiftet e njohura brenda televizionit Ola dhe Ezdalini apo Altin Basha dhe bashkëshortja e Ilirjana.
Ajo që bie në sy në këtë videoklip, ndryshe nga herët e tjera është mungesa e Ledion Liços. Ndoshta për faktin që aktualisht nuk ka një emsion në transmetim, apo ndoshta për ndonjë arsye tjetër, Ledioni i mungon kartolinës së urimit.
