Bernardo Bertolucci, një prej regjisorëve më të njohur të Italisë, pas një sëmundjeje të gjatë ka ndërruar jetë në sot në Romë në moshën 77-vjeçare. Lajmin e vdekjes së tij e raportoi Corriere della Sera dhe La Stampa.
Bertolucci është një nga regjisorët më të shquar të kinemasë italiane por edhe botërore, duke drejtuar disa nga filmat më të famshëm, si: “Tango e fundit në Paris” dhe “Perandori i fundit”.
Lindur në Parma në një familje të një profesori të historisë dhe kritik filmash, Bertolucci po synonte një karrierë artistike që kur ishte adoleshent. Ai drejtoi filmin e tij të parë, një mister krimi, në moshën 22 vjeçare. Dy vjet më vonë erdhi ‘vepra’ e tij që ndikoi fuqishëm në karrierën e regjisorit, një dramë romantike e titulluar: “Para Revolucionit”.
Filmi erotik “Tango e Fundit në Paris” ishte suksesi i parë ndërkombëtar i Bertoluccit, bndaj të cilit ka patur polemika të mëdha për shkak të përmbajtjes së saj të rritur ku përfshinte edhe një skenë famëkeqe të një përdhunimi.
Drejtori nuk e paralajmëroi yllin e ri femëror Maria Schneider për të gjitha detajet e asaj që do të ndodhte në vendngjarje gjatë regjistrimit të filmit, për të marrë zemërim të vërtetë prej saj.
Perandori i fundit “, biopik i 1987 i monarkit të fundit kinez, ishte triumfi i Bertoluccit në SHBA, duke fituar nëntë Academy Aëards.
Veprat e tij të tjera përfshijnë “The Conformist”, një dramë politike e vendosur në Italinë e Musolinit, filmi epik historik 317 minutësh “1900”, “Little Buddha”, një film për vitet e hershme të Budës Gautama dhe “The Dreamers” e vendosur në sfondin e trazirave të studentëve të 1968 në Francë.
Përveç drejtimit të filmave, Bertolucci ishte gjithashtu skenarist dhe producent filmi dhe shkroi dy librame poezi.
