Eshtë ndër personazhet më të dashur nga fëmijët në të gjithë botën, por edhe më i analizuar nga studiuesit dhe kritikët për mesazhet e mundshme subkoshiente në favor të qeverisë ruse – që sipas akuzave – fshihet pas aventurave të dy protagonistëve, shkruan La Repubblica.it.
E nisur në vitin 2009 nga Animaccord, një studio e vogël krijuese në Moskë, “Masha dhe Ariu”, shihet sot në 120 vende dhe përkthehet në 25 gjuhë të ndryshme. Dhe nëse fëmijët priren të identifikojnë veten në gjallërinë dhe zhurmën e Mashës së vogël, në botën e të rriturve ekzistojnë ata që e konsiderojnë serinë e animuar si një armë propagande të rrezikshme të Rusisë së Putinit. Pas Estonisë, Letonisë dhe Ukrainës, të cilat vite më parë kërkuan pezullimin e programit, tani kritika vjen edhe nga mediat britanike (duke përfshirë Times), të cilët barazojnë mbrojtjen e një fushe me karrota, me politikën e mbrojtjes së kufijve të Rusisë dhe Mashën e vogël me një roje kufitare ruse. Në episodin e titulluar “Ndalohet kalimi” (e dymbëdhjeta e sezonit të parë), vajza mban një kapelë që duket si kapele ushtarake e forcave të shërbimit të sigurimit federal. Një element që transformoi episodin e serialit të animuar në një rast diplomatik që përfshinte edhe ambasadën ruse në Mbretërinë e Bashkuar./360grade.al
