Pilotja e re gjermane Sofia Florsh përjetoi një aksident të llahtarshëm në garën e sotme në Formula 3 e cila u mbajt në qytetin Makao. Aksidenti ndodhi në pistën Guia e cila shtrihet përgjatë rrugëve të qytetit Makao.
Në xhiron e katërt të garës për Çmimin e Madh të Makaos, pilotja 17 vjeçare Florsh me një shpejtësi tejet të madhe preku kufizuesen anësore të pistës dhe më pas “fluturoi” mbi gardhin dhe u përplas në platformën pranë pistës. Pilotja u transportua me plagë të rënda në spital, nga ku u vu re se ajo është në vetëdije, por ka thyer shtyllën kurrizore. Ditën e nesërme pilotja pritet t’i nënshtrohet një ndërhyrje kirurgjikale.
