Ne tashmë e dimë se prodhimet e detit kanë shumë përfitime për organizmin tonë.
Acidet yndyrore omega-3 tek peshqit, nxisin kujtesën tuaj, zvogëlojnë sjelljen anti-sociale, luftojnë depresionin dhe ankthin, përmirësojnë vizionin, zvogëlojnë rrezikun e sëmundjes Alzheimer, nxisin përmirësimin e shëndetit të zemrës dhe në përgjithësi ju ndihmojnë të qëndroni të mprehtë. Konsumimi i peshkut gjithashtu ju ndihmon të flini më mirë, gjë që kontribuon në shëndetin tuaj në përgjithësi. Dhe fakti që zonat e ashtuquajtura blu, ku njerëzit statistikisht jetojnë më gjatë, shijojnë një dietë të pasur mesdhetare që është e mbushur me prodhimet e detit, provon se konsumimi i tij ndikon në zgjatjen e jetës suaj.
Tani, një studim i ri i botuar në “The Journal of Clinical Endocrinology & Metabolism” ka zbuluar se prania e peshkut në regjimin tuaj ushqimor gjithashtu ju jep jetën seksuale që keni ëndërruar dhe një një shtytje të madhe që mund t’ju ndihmojë të mbeteni shtatzënë.
Hulumtuesit në Harvard T.H. Chan Shkolla e Shëndetit Publik hulumtuan në 501 çifte në Miçigan dhe Teksas, të cilët ishin duke u përpjekur të shtonin peshkun në dietën e tyre të përditshme ushqimore, dhe të masnin mandej edhe normën e frekuencave seksuale. Ata e ndoqën për një vit resht këtë metodë ushqyerje, derisa vajzat mbetën shtatzënë.
Ajo që gjetën ishte se 92% e çifteve që hëngrën peshk më shumë se dy herë në javë ishin shtatzënë deri në fund të vitit, krahasuar me vetëm 79% të çifteve që e konsumonin më rrallë. Për më tepër, ata që hëngrën më shumë ushqim deti kishin më shumë raport seksual rreth 22% më shumë se ata që hanin më pak peshk.
Si ushqimet e detit ndikon në aftësinë e një çifti për të konceptuar fëmijë është relativisht e lehtë për t’u identifikuar, meqë acidet yndyrore omega-3 kanë ndikime pozitive në konceptim duke përmirësuar cilësinë e spermës, embrioneve, duke stimuluar ovulimit, e duke rritur nivelet e progesteronit të hormoneve seksuale. Natyrisht, nëse këto çifte kanë më shumë seks, kjo gjithashtu mund të jetë një nga arsyet që ata kanë gjasa më të larta për shtatzëni.
Si ushqimi i detit siguron një nxitje për jetën seksuale është më shumë një mister. Por, është e qartë se çiftet, veçanërisht ato që po përpiqen të mbesin shtatzënë, duhet të hanë më shumë peshk, pavarësisht shqetësimeve rreth nivelit të mërkurit (sipas US Food and Drug Administration dhe Agjencisë Amerikane për Mbrojtjen e Mjedisit).
“Rezultatet tona theksojnë rëndësinë e konsumimit të peshkut jo vetëm tek gratë, apo tek çiftet që duan të kenë një shtatzëni, por në përgjithësi tek të dy partnerët që të mund të kenë shanse maksimale për fertilitet”, tha autori Audrey Gaskins në një njoftim për shtyp nga The Endocrine Society.
