Cristiano Ronaldo arriti thyejë tabunë në “San Siro” teksa shënoi në përballjen ndaj Milanit në pjesën e dytë të takimit, për javën e 12-të në Seria A, por pas përfundimit të ndeshjes për mikrofonat e “Sky Sports Italia” ka deklaruar se ishte një fitore e vuajtur dhe se të luash në Milano është gjithmonë e vështirë, por nuk mungoi as komenti për kartonin e kuq ndaj Higuain.
“Jam shumë i lumtur, sidomos për skuadrën, sepse të luash në San Siro është gjithmonë e vështirë. Të fitosh 2-0 në San Siro nuk është e lehtë. Ishte një fitore e rëndësishme, sepse Napoli mposhti Genoa-n të shtunën dhe ne duhet të ruanim distancën.
“Tensioni i Higuain? I thashë të qetësohet, pasi po rrezikonte të dënohej për shumë ndeshje. Ai nuk bëri gjë, ai ishte i inatosur se po humbte lojën, kjo është kuptueshme dhe shpresoj të mos e dënojnë për shumë ndeshje”, përfundoi Ronaldo.
