Zëdhënësja e PD-së, Ina Zhupa ka kritikuar propagandën e kryeministrit Edi Rama me familjet e varfra të Shqipërisë. Zhupa thekson se gjatë 5 viteve që qeveris vendin, kryeministri Rama i ka mohuar, harruar madje dhe përbuzur duke i quajtur dembela njerëzit në vështirësi ekonomike në vend.
“Mbyll mijëra vende pune dhe na thotë do i gjej punë një kryefamiljari. Ky është kryeministri fasadë i Shqipërisë, që mjerimin e përdor për propagandë. Edi Rama nuk mashtron dot me shqiptarët duke u sjellë si bamirës. 79% e të rinjve duan të largohen si pasojë e keqqeverisjes së tij. Varfëria, mjerimi, pamundësia, emigrimi masiv, mbajnë vulën e tij”, shprehet Zhupa.
Reagimi i plotë i Ina Zhupës:
Edi Rama na solli edhe sot pamje nga një familje e varfër. Për 5 vjet në pushtet i ka mohuar, harruar madje dhe përbuzur duke i quajtur dembela. E mbani mend reagimin e tij kur opozita dhe Lulzim Basha ia tregonin një nga një familjet në mjerim, te cilave u kishte hequr dhe ndihmen ekonomike. Sot kur qeverisjes se tij po i vjen fundi, na sillet si shpetimtare.
“Bamiresi” Edi Rama, ka planifikuar të shemb 600 shtëpi vetem keto dite duke i lene njerezit ne rruge dhe na thote se do ndertoj nje.
Ka planifikuar t’ju heq buken e gojes 40 mije familjeve gjate vitit te ardhshem duke i hequr nga skema e ndihmes ekonomike dhe na thote se do kujdeset per nje familje.
Mbyll mijera vende pune dhe na thote do i gjej pune nje kryefamiljari.
Ky eshte kryeministri fasade i Shqiperise, qe mjerimin e perdor per propagande.
Edi Rama nuk mashtron dot me shqiptaret duke u sjelle si bamires. 79% e te rinje duan te largohen si pasoje e keqqeverisjes se tij. Varferia, mjerimi, pamundesia, emigrimi masiv, mbajne vulen e tij.
