Kina gati për të mbrojtur të moshuarit nga COVID

Kina do të shtrëngoj masat anti-COVID për të mbrojtur të moshuarit gjatë muajve të dimrit.

Edhe pse tashmë rreziku nga infeksioni është shumë i ulët, qeveria ka marrë masa paraprake që të moshuarit të mos jenë të ekspozuar ndaj virusit. Nga raportimet e autoriteteve mjekësore mësohet se në 24 orët e fundit në Kinë nuk raportohet asnjë rast simptomatik.

Nëpërmjet teknologjisë, Kina ka vendosur sisteme strikte që kërkojnë skanimin e një kodi digjital i cili është drejtëpërdrejtë i lidhur me të dhënat mjekësore të individëve.

Ky lloj skanimi është i detyruar të bëhët përpara futjes në ndërtesë apo institucion.

Autoritetet janë duke përgatitur gjithashtu një plan dy-vjeçar i cili do t’ju vijë në ndihmë të moshuarve nga ana shëndetësore.

Kujtojmë që Kina dyshohet se është vendi i origjinës së infeksionit COVID-19, i cili vuri në rrezik gjithë botën duke kolapsuar sisteme shëndetësore e duke rrezikuar ekonominë e shumë vendeve.