Denoncoi policët për dhunën e ushtruar ndaj tij, kërcënohet me SMS ish-deputeti Ndocaj. Ministri hesht dhe “lan duart si Pilati”

Incidenti i pak ditëve më parë, gjatë përurimit të shtëpisë-muze të Gjergj Fishtës, ku u ndalua nga policia dhe u mbajt për disa orë ish-deputeti Eduart Ndocaj, i cili kishte ardhur posaçërisht si i ftuar në këtë veprimtari, ka marrë përmasat e një përplasjeje me motive personale, duke rrëzuar pretendimet e policisë së Lezhës, të cilët u justifikuan me argumente qesharake dhe nxorën në pah keqpërdorimin e uniformave blu nga segmente të politikës.

Pas denoncimeve në media, që “kaubojsi” ka bërë ndaj ndalimit dhe shoqërimit të tij nga uniformat blu të Lezhës, veçanërisht në adresë të shefit të rendit në këtë qytet, Agron Cullhaj, këta të fundit, duken sikur janë vënë në lëvizje për t’i mbyllur gojën ish-deputetit, ku me forma të drejtpërdrejta shantazhojnë Ndocajn, duke e paralajmëruar se konflikti në mes tyre do të përshkallëzohet.

Një gjë të tillë, e ka pohuar vetë ish-deputeti Eduart Ndocaj, i cili sot ka pretenduar se është kërcënuar nga efektivë apo të afërm të tyre, duke bërë publike dhe sms kërcënuese.

Nuk ka asnjë përshkrim të disponueshëm


Ajo cka mbetet shqetësuese, është fakti, se ish-deputeti ka komunikuar me ministrin Lleshaj duke e vënë në dijeni për këta efektivë që guxojnë të kërcënojnë dhe ky i fundit, e ka injoruar vënien në dijeni, duke i kërkuar “kaubojsit” referimin e cështjes në SHACBA, me pretendimin se ky institucion ka detyrë hetimin e veprimeve të policisë së shtetit.

Nuk ka asnjë përshkrim të disponueshëm


Nuk janë të pakta rastet kur efektivët e policiësë, përfshihen në veprimtari shantazhuese dhe kërcënime të drejtpërdrejta, duke e vënë veten e tyre në shërbim të segmenteve të politikës.

Një pretendim të tillë ka shfaqur dhe ish-deputeti Ndocaj, i cili akuzon direkt kryebashkiakun e Lezhës, i cili u përfshi personalisht në këtë konflikt, duke krijuar një precedent të rrezikshëm që është këmbanë alarmi për zgjedhjet e 25 prillit 2021, që i jep atribute politike policisë së shtetit, e cila ka si përgjegjësi ruajtjen e rendit dhe të qetësisë publike dhe jo anëisimin e saj në favor të partisë-pushtet.


Nuk ka asnjë përshkrim të disponueshëm

Pas bërjes publike të mesazhe kërcënuese që i vijnë nga efektivë të policisë, ku Ndocaj i konsideron të përfshirë personalisht në ndalimin, dhe dhunën ndaj tij të para pak ditëve, ky i fundit, paralajmëron se do të nisë një aksion për sensibilizimin e strukturave ndërkombëtare, duke servirur prova të pakontestueshme që implikojnë policinë e shtetit në represion dhe dhunë ndaj qytetarëve dhe opozitarëve.

Nuk ka asnjë përshkrim të disponueshëm