DISA PYETJE PËR MIQTË ME MËDITJE TË SHTYPIT SHQIPTAR

Nga Agron TUFA

Në listën e miqve të mi në të dyja faqet që kam, ka midis disa mijërash edhe dhjetra miq apo ish studentl gazetarë, kryeredaktorë, veprimtarë politikë në shtypin e shkruar apo virtual.

Ata të gjithë shohin, lexojnë, janë në dijeni të sulmeve, shpifjeve, skenarëve të një fushate përbaltëse ndaj meje me regji të ish oficerëve të Sigurimit, eksponentëve të pushtetit dhe veglave të tyre të ulëta. Por sa çudi! Bëhen zëdhënës të veglave shpifëse, provokimeve dhe akuzave të tyre pa asnjë fakt, argument apo dokument, letrave të hapura etj, etj.

I botojnë, ndërsa kundërpëgjigjet e mia me fakte e shkresa arkivore nuk i botojnë. Pyes veten: ç’bëjnë ata prapa perdes?

Pse qëndrojnë si skuthër? Mirë që vetë nuk shkruajnë; mirë që kanë frikë; mirë që dhe shpifjet i botojnë pa i përqasur me logjikën dhe referencat, së paku në dy burime; mirë që nuk komentojnë, por, dreqi ta hajë, pse nuk botojnë dhe kundërpërgjigjet e mia?Atëherë çfarë miqsh janë këta?

Miq të kujt? Zëdhënës të kujt? Të cilës të vërtete? Dhe si duhet të quhen?