Êshtë pretendim shumë i madh që sidomos politika në Shqipëri të jetë normale, por nuk është e thënë që midis këtij anormaliteti mos ketë asnjë lloj principi moral.E njof jo pak terrenin politik shqiptar pasi hershëm më kanë përfshirë stuhitë e tij. Jam mbesë dhe e reja e dy burrava që janë “Nder i Kombit” kam kryer dhe një shkollim politik, por askund se lexova se politika mundet me qenë aq hakmarrëse pa etikë,pa stil , pa përzgjedhje ,pa princip dhe banale si këto kohë, e sidomos në Mat.
Këtu cdo gjë e ka humb sensin e logjikës. Anormaliteti politik ka humbur cdo kontroll. Këtu ligësia është transparente në arrogancën e saj gjer në banalitet. Të gjithë e njohin vrerin dhe lakminë për pushtet të pa merituar të UBM (Uzurpatori i Bashkisë Mat) por ta ushtrosh këtë lakmi përtej cdo ligji e caku ky është kulmi i anomalitetit. Nuk thonë kot,”Zoti i ndihmoftë dikujt që nuk mundet me e menaxhu mllefin,se nga vetvetja s ‘del kush me të mbrojt’’.
Sikur ta kisha para sa ai, sado e huaj të ishte fjala shkollë do ta kisha hap një shkollë për njerzit që se menaxhojnë dot mllefin,se ato një ditë do ti hajë vetja e vet.
Sigurisht në një vend ku forcën nuk e ka ligji e drejtësia, por rreket ta marrë individi, politika s’është me politikë, por genocid .
Shumë si unë në këtë qytet se kanë pretenduar nga UBM të kuptoje se politika nuk është luftē .Ama dhe në luftë ka rregulla e përzgjedhje. Ai nuk e di se dhe në luftë disa gjëra dhe kode lufte s’mund ti prekësh,as ti tejkalosh. Kjo përzgjedhje kurrësesi s’ka të bëjë jo vetëm me të qenit social e njerzor ,se keto janë të huaja për UBM, por që hakmarrja të jetë aq primitive ,sidomos kundra nje gruaja që nje zot i madh e di me sa vështirësi e ka çarë e po përparon me dinjitet në jetë e në politikë është domosdoshmëri ta bësh me marifet ndryshe jo vec karrigeja e kryetarit rënkon nga ju, por gjitha kodet shoqërore, njerzore e kanunore ,të gjitha këto janë zënë ngushtë dhe turpërohen me një “trim” të tillë.
E di qe i urren ato të pafuqishmit e plotfuqishëm si unë , si ato qindra opozitarë të tjërë që i degdise larg qytetit dhe pse janë profesionistët më të zotë,s kursehesh as kur këto janë zonja në moshë dhe këto do ti lësh rrugëve duke harrur se dinjiteti i drejtuesit mbetet rrugëve jo ato, të tjerë që i fyen me fjalorin më të padenjë për njeriun ,burrin e karrigen që mban, duke fyer gjithë qytetarët e tu përmes këtij fjalori.Që urren këdo që të thotë që e ke gabim,e po fundos cdo shpresë të qytetarëve të tu në institucionet e tyre. Personalisht dhe jo vetëm ,kurrë nuk u morëm me personalen dhe privatësinë e një individi, e aq më pak me e pasur në hartën e vëmendjes përvec bashkëqytetarisë njerëz si ti,por kur këta janë adminsitratorë dhe njerëz publikë ata nuk janë më vetja por interesi qytetrëve ,e zëri i opozitarëve është zëri tyre që uluret për padrejtësitë dhe arrogancën e asaj që ju ushtroni nga karrigeja e kryetrit e jo individit që përfaqësoni,se nuk je më një individ ,por kryetari i bashkisë, këtë nuk e prnon të ta thotë dot askush ,kjo është puna jote,dhe që ke mbledhur rreth vetes të paaftë, informtorë të rremë e patetikë , serivilë e sejmenë të bindur që kurrë s’duan të ta kujtojnë se:
“Hekurin e shkaterron ndryshku i vet dhe jo zmerila “e se kështu funksionon politika, që zmerila e kundërshtarit, pra opozita është domosdoshmëri në politikë, ndyshe ndryshku korruptiv të përmbyt me gjithë karrige e informatorë banalë kafenesh.
Kërkon të na mbyllësh gojën kur ngremë zërin vetëm për interesin qytetarë për menaxhimin e financave tona.!
*- Që ngrini taksat tona sa e si ju do qejfi , madje dhe duke i rreklamuar si sukses e punëve publike të Bashkisë, pikërisht boshatisjen e xhepave të qytetarëve të Matit.
*-Si me paratë publike të qytetarêve te Matit blihet “Flota e B” e ne duhet të heshtim për si e sa na kushtoi kjo flotë.
-*Me xhepat e tyre bëhen ndere e bamiresi per nje grusht vota fukaralleku e prapë ne mos ta dijmë si përdoren…
*Menyra si merr peng nevojtaret përmes ndereve ( sidomos punësimet) në këmbim të heshtjes, mbylljes së gojës apo garantimit të votave te rilindjes.
*-Mënyra si nënshtron qytetaret e tu me bukën e fëmijeve.
Që hoqe nga puna qindra njerëz kryefamiljarë në një qytet te varfër si Mati pa pikën e ndjeshmërisë sociale por thjesht dhe vetëm se stë mbajnë dot ison politike dhe të papërgjeshmërisë.
Pse opozita thoshka as më shumë e as më pak se to që ke shkruar e deklruar vetë për veten.etj…etj.
Në fakt kisha mendur se ndonjëherë njeriu në jetën e vet mundet me qenë ai që s’është, po jo ju UBM !
Për ty rasti e solli me qenë ai qe s’je ,por ti e shpërdorove dhe e humbe edhe këtë shans.Ti je humbësi më i madh ndër fatmëdhenjt e kësaj bote .Ty të ra në dorë si të paktët me qenë ai që s’je, pra me qenë aty ku kurrësesi s’të takon,por dhe mund ta mendonte ndonjë mendje shumë pozitive si imja që:
A thua pikërisht fati t’a solli me rikuperuar atë qe dikur e bëre keq,se vetëm ti paske qenë i ri e të jesh i ri dashka me thanë me qenë problematik!
Ndryshe nga shumë kush ty t’u dha rasti me arnuar veten me fill të artë , në fund të fundit ty te edhi rendi me bërë atë që s’e bën dot, me dalë nga pritshmëritë e qytetarëve të tu që s’ prisnin asgjë të mirë nga ti.
Të erdhi rendi magjik me bërë lajm duke i thëne botës :
Ja, unë ai i problematiku me fat që në kohë të cmendura u bêra aksidentalisht kryetar bashkie e për hir të emrit që mbaj, por dhe të mundësisë që m’u dha me u sjell ndonjë ditë si kryetar i vertetē Bashkie ,me i çudit qytetaret e mi.Por jo vetëm që se bëre o shpërdoruesi më i madh i pushtetit dhe fatit tënd ,por e shqeve për faqen më të zezë karrigen që mban e ky tani ështe halli më i madh juaj, qe s’ta qan dot askush ,kot kapesh me këdo që eshtë ndryshe me ty.
Ty t’u dha rasti me rishkruar historinë , po historia nuk rishkruhet me udhëra e as me kodoshllëk, as me para , as me urrejtje e as me hakmarrje. Nëse mendon t’a rishkruash ashtu e kaluara të bëhet e ardhme jote dhe s’ke asnjë shans të pajtohesh më kurrë me të , emri jot të kthehet në frikën më të madhe tënden e s’do të mjaftojne paratë për ta blerë në tryeza, për karrige që i lakmon, sado i kamur të jesh. Vec me emrin tënd s’do ia dalësh me kurorezuar asnjë paqe, as me të e as me veten, e jo me me rishkruar histori ,se atë histori s’do ta lexojnë as nx e klases se trete.
UMB ushqeje egon e kultivoje inatin deri sa një ditë ka për të të kushtezuar propotenca jote,jepi shuaj shpresën këtij qyteti në cdo gjë, se vec atherë ndoshta do zgjohet e do ta kuptojë se kur je pa shpresë i del më shumë zot vetës.Prish ,degdis,shqyej e nënçmo pa e fshehur mllefin,humbe dhe pikën e fundit të marres , humbi të gjitha,jepi mos ki frikë nga turpërimi,mbyte me mllef politik shtratin moral të karriges se Kryetarit të Bashkisë , motivo dhe provoko ndjenja të fuqishme kundra vetes,nuk zhgënjen dot askënd ,vec për këtë je i suksesshëm,por me këtë nuk bën dot lajm. Ju nuk e keni licencën e ekzistencës sonë,ne e duam këtë vend e do t’i shërbejmë atij të pëlqen a jo ty .Ne të majtë e të djthtë ata që të pëlqejnë dhe stë pëlqejnë jemi qytetrët e nje qyteti te vogël por që është më spektakolari në leksionin e matur që i jep gjithkujt që e shkel dhe nëpërkemb kodet e shkruara dhe të pashkruara të dinjitetit të tij…