Ish-deputeti Eduart Ndocaj, është përballur këto ditë me një fenomen të cuditshëm, ku të gjitha llogaritë e tij që ka në facebook, janë bllokuar, duke dëshmuar qartazi, se prapa këtij veprimi qëndron kryeministri Edi Rama dhe “batalioni” i tij që paguhen nga taksat e shqiptarëve, të cilët përvecse shërbejnë si një formacion propagandistik, janë dhe “snajperistë” që përpiqen të asgjësojnë profilet e kundërshtarëve dhe të kritikëve të qeverisë.
Kështu mendohet të ketë ndodhur dhe me “kaubojsin”, i cili prej nga koha që është futur në Kuvendin e Shqipërisë, në vitin 2015 e deri më sot, përfaqëson nëj nga zërat më kririkë dhe më të ashpër ndaj qeverisjes së Edi Ramës, duke dëshmuar një koherencë të rrallë në qëndrimet e shumë politikanëve të vendit.
Nuk kishte se si të ndodhte ndryshe, përvecse të gjendej mënyra për të bllokuar profilet e tij në facebook, pasi Ndocaj, me mbështetjen dhe populizmin e tij, është një kërcënim i vazhdueshëm për qeverinë Rama, e cila tashmë është në pikiatë.
“Mbrojtja më e mirë është sulmi”, këtë sentencë pragmatiste ka shfrytëzuar batalioni i Endri Fugës, të cilët nuk mund të mbroheshin përballë artilerisë së rëndë të denoncimeve keqqeverisëse të ‘kaubojsit”, prandaj dhe u lëshuan si të harbuar, duke ndërhryë në llogaritë e tij dhe duke i bërë inaktive.
Mbyllja e gojës, për zërat kritikë të qeverisë, është përpjekje e dështuar e një kryeministri, i cili cdo ditë e më shumë e sheh veten të fundosur, pasi me zullumet e bëra, duke përvetësuar pronat dhe taksat e shqiptarëve, si dhe me lidhjet e tij me botën e krimit, janë evidenca që i rezervojnë fat dramatik.
Ish-deputeti Eduart ndocaj, kërkon mirëkuptimin e ndjekësve të tij, për këtë shkëputje nga komunikimi, si dhe premton se do rikthehet shumë shpejt, duke qenë konstant në veprimtarinë denoncuese ndaj krytrafikantit Edi Rama.
Ky sulm ndaj llogarive të “kaubojsit”, mendohet të ketë ardhur menjëherë pasi ish-deputeti publikoi një status, në të cilin ironizonte dhe parashikonte arrestimin e shpejtë të kryeministrit.
Ja statusi i Ndocaj:
Mirdita miq sapo ndodhi; arrestohet Edi Rama, me akuzat e më poshtme; për mashtrim të bashkëshortes në shperdorim të parave të sajë 2 milion euro, për 3 depozitat në Surrel të deklaruara si shtëpi, #per vjedhje PPP dhe mashtrim me termetin, për panik ndaj qytetarëve në kohë pandemie ose luftë siç e quan ai, për kanabizimin e Shqiperisë, për shpifje ndaj vllezerve Budina, për shtimin e kushteve për integrim në Europë,- nga tre që ishin sot në 15. Akuza e fundit është sharja me familje e qytetarit në telefon. Drejtësia po triumfon!