TË BËSH POLITIKË/ NGA LIRIM NEZHA

Të qënët jashtë politikës të bën të ndihesh komod në pozitat e kritikut.Po të jetosh edhe jashtë Shqipërisë ndihesh edhe më dorëlirë në vështrimin kritik.Akuzon gjithkënd që merret me politikë me gjithfarë epitetesh që prodhon fantazia.Ndodh ky fenomen me shumë njerëz që kanë opinionin e tyre dhe që bëjnë mirë që nuk ngurojnë ta shprehin.

Personalisht,edhe pse për momentin jam jashte Shqipërisë,përpiqem të mos marr pozitat e atij që kritikon gjithkënd e gjithçka,por të ndiej edhe përgjegjësine për të dhënë kontributin tim modest që politika të bëhet me e mirë,më njerëzore.Natyrisht që kam mendimet e mia shpesh kritike edhe për forcën politike të cilës formalisht ende i përkas e ca më shumë jam kritik ndaj politikave qeverisëse.Sepse une të marrët me politikë nuk e quaj mëkat .Duhet që dikush të merret edhe me politikën.

Politika është mision,nëse vërtetë e shikon si të tillë dhe jo thjesht si një pasion që shpërblehet me benefice pushteti.Edhe unë mendoj se ky vend ka nevojë për më shumë rebelë ndaj politikes,natyrisht jo të tipit që rebelohen pasi për një arsye apo një tjetër humbasin beneficet e pushtetit,por nga ata rebelët që kanë parime e që luftojnë për to.Politika vetë duhet bërë dhe dikush duhet ta bëjë.Madje duhet që brenda saj të ketë sa më shumë rebelë,por brenda saj ama,jo spektatorë të zemëruar.

Si mund të ndryshojë politika kaq shumë e anatemuar nëse të gjithë e shohim nga jashtë dhe bëjmë kritikun?E pra,politika bëhet më e mirë nëse brenda saj ka njerëz të mirë.Ndaj gjithkush që e ndien se brenda vetes ka pptenciale,ka dicka pozitive për të ofruar duhet të përfshihet në politikë dhe ta ofrojë.Nuk ka pse ta shohim politikën si një ambient lebroz.Sa më të shumtë të jenë kategoria e njerëzve me vlera,aq më vështirë e ka politika të të nxjerrë në anë e të të lerë në hije.

Politika është një gjë që ndryshohet nga brenda.Nga jashtë vetëm mund ta ndëshkosh me votë dhe ta kritikosh.,por nuk mund ta ndryshosh.Në të kundërt ngelet vetëm e drejta për të folur,që nuk është pak,por nuk është gjithçka…