Fiter Bajrami/ Kryelegalisti uron besimtarët: Zoti drejtoftë çdo mendje drejt të mirës tonë të përbashkët!

Shpetim Axhami, kryetar i PLL

Gëzuar Fiter Bajramin për të gjithe besimtarët mysliman.

Për të gjithë ato që agjëruan përgjatë muajit të Ramazanit, Zoti i bekoftë me gjithë të mirat në familjet e tyre dhe ju pranoftë agjerimin dhe çdo lutje.

Ky muaj Ramazani, ishte i pazakontë për arsye të pandemisë globale, por të gjithë besimtarët jemi të bindur se në emër të Zotit, ditë më të mira do të vijnë.

Ne, shqiptarët jemi përballur me lloj e lloj sfidash e sakrificash, deri edhe në mohimin e të drejtës së besimit, por kemi ditur të qendrojmë dhe të ringrihemi me dinjitet, sepse jemi me të drejtën dhe asnjeherë nuk e kemi humbur shpresën dhe besimin tek i Plotfuqishmi.

Zoti drejtoftë çdo mendje drejt të mirës tonë të përbashkët.
Shendet dhe harmoni në familjet e çdo shqiptari kudo ku të jenë