Aktivisti i PD: Tahiri duhet të ishte pas hekurave!

Rogert BLLOSHMI

I gjithë procesi i gjykimit të ish-ministrit të Brendshëm është një zvarritje e pakuptimtë për ta shpëtuar fundin e pashmangshëm jo vetëm të Tahirit por dhe qeverisë Rama. Qeveri e cila është lidhur ngushtësisht me krimin e organizuar sepse në listat e tyre përfaqësuese ka një % të lartë të këtij sekti, rastet më të fundit të Valdrinit, Kajmakut e kryebashkiakut të Vaut të Dejës janë një tregues që kjo parti vazhdon të përfaqësohet dhe mbahet në këmbë me këta persona!

Opozita i ka denoncuar hapur këto raste dhe ende KM nuk ka dalë të mbajë asnjë lloj përgjegjësie sepse mbi të gjitha dihet që qëndron ky piktor e politikan dështak. Për Shqipërinë është e patolerueshme që të mbajë në pushtet një parti që në rradhët e saj ka figura me precedente penal dhe mbi të gjitha me votime të paçertifikuara. Për Ramën dëmi që po i shkaktohet Shqipërisë mund të jetë i pakonsiderueshëm por për Shqiptarët kjo përkthehet në hapa pas, varfëri, largim masiv të të rinjve, dhe mbi të gjitha në cënim të sigurisë kombëtare sepse ligjvënës sot janë pikërisht persona nga bota e krimit të cilët që në mandatin e parë të Ramës na erdhën në karrigen e deputetit!

Kjo ishte kontrata e paqes mes Ramës dhe krimit, kontratë e cila është në dëm të Shqiptarëve! Pra sot procesi i Tahirit dëshmon atë çka bëri KM në këto vite, gjithmonë i mbronte personat e inkriminuar dhe sot beteja Rama -Tahiri nuk do nxjerrë askënd fitues por do të jetë beteja që do ti zhveshë të dy para publikut si dy persona që pak vite më parë kanabizuan vendin!

Dhe nëse Tahiri do t’ia hedhë prapë drejtësisë edhe Rama do ta bëjë gjumin e qetë dhe ajo që duhet bërë është t’ua tregojmë vendin të dyve dhe ta shpëtojmë Shqipërinë. Sot është dita që KM të ikë nga posti dhë të mbajë pergjëgjesi për bashkëpunim me krimin! Shqiptarët sot më shumë se kurrë duhet të besojnë tek lideri i opozitës Lulzim Basha që Shqipëria të shohë drejt Europës!