Ndërtimi i MUZEUT FISHTJAN është kontributi më i madh, për të ua lënë të dëshmuar brezave, sesa i rëndësishëm ka qenë roli i këtij personaliteti për Shqipërinë dhe shqiptarët.
MUZEU FISHTJAN do bënte të mundur promovimin e imazhit dhe të veprës së At Gjergj Fishtës, si dhe të identitetit shqiptar.
MUZEU FISHTJAN, duhet të ketë këto funksione:
1- Inventarizimin e trashëgimisë shpirtërore, duke shkuar direkt të bartësi, siç është rasti konkret pjesëmarrja juaj në vendorigjinën, nga ku Fishta u frymëzua për të lënë trashëgiminë, e cila ka ardhur përmes Lahutës deri në ditet e sotme.
2- Krijimin e rrjetit të “Living Human Treasures”, sipas modelit të krijuar nga UNESCO, sipas të cilit shteti mbështet financiarisht bartësit e dukurive të trashëgimisë shpirtërore, të cilat janë në rrezik zhdukje, me qëllim që të transmetohen vlerat te pasardhësit e tyre (Pasardhësit rasti konkret Niko-fëmija fenomen, në recitimin e vargjeve fishtjane).
3- Krijimin e rrjetit të shoqatave të shoqërisë civile, që nuk janë shumë aktive në mbrojtjen dhe mbështetjen e fenomeneve.
4- Promovimin e vlerave në diasporë dhe në vendet, ku jetojnë dhe punojnë emiograntët shqiptarë, të cilët aktualisht janë më larg traditës që gjallon në vend. Rasti konkret ishte pikënisja e promovimit tē Fishtës përtej oqeanit, në U.S.A.
5- Kujdesin e vazhdueshëm ndaj gjuhës, si mjet kryesor i identitetit të një kombi dhe mjeti kryesor i përçimit të trashëgimisë shpirtërore. Rasti konkret planprogramet, shkollat dhe universitetet.
