Eduart Ndocaj, kandidat i Koalicionit Euroatlantik për qarkun Lezhë, ka reaguar në lidhje me “përplasjen” në mes kryebashkiakut Pjerin Ndreu dhe sipërmarrësit Altin Prenga, duke i kërkuar SPAK-ut të hetojë menjëherë këto kërcënime publike, siç i quan ai.
Më tej, kaubojsi ka nënvizuar se kryebashkiaku i Lezhës për të gjithë veprimtarinë e tij prej 6 vitesh në krye të këtij institucioni, nuk është më një shërbëtor i qytetarëve, por një simbol i regjimit që nuk pranon mendim ndryshe.
Postimi i plotë:
KUR SHTETI KËRCËNON ATA QË NUK E LYPIN!
Altin Prenga, një nga zërat më të ndershëm dhe kontribuesit më të mëdhenj për Qarkun Lezhë, po sulmohet publikisht nga Kryetari i Bashkisë, Pjerin Ndreu, vetëm sepse pati guximin të kritikojë politikën që po i largon turistët dhe po i zhbën përpjekjet e njerëzve të ndershëm.
Në vend që të falënderohej për promovimin e Lezhës, për blerjen e produkteve vendase dhe për mbështetjen që i ka dhënë çdo fermeri të zonës, Altin Prenga kërcënohet publikisht me biznesin dhe tokat e të parëve të tij!
Kjo është fytyra e një pushteti arrogant, që ndëshkon ata që nuk janë servilë!
Kjo është politika që do t’u mbyllë gojën atyre që nuk janë pjesë e llumit!
Altin Prenga është një model suksesi shqiptar. Ai nuk ka kërkuar favore, por ka ndërtuar me djersë. Dhe sot, në vend që të ndihmohet, i thonë: “kujdes se ke dokumente”!
SPAK duhet të hetojë menjëherë këto kërcënime publike!
Nuk mund të tolerohet që një Kryetar Bashkie të përdorë pushtetin për të shantazhuar qytetarë dhe për të bllokuar dokumentacionin për legalizimin e tokave të trashëguara!
Qeveria duhet të reagojë!
Pse ndëshkoni ata që s’janë në rresht?
Pse bllokoni legalizime kur qytetarët nuk iu duartrokasin?
Pjerin Ndreu nuk është më një shërbëtor i qytetarëve, por një simbol i regjimit që nuk pranon mendim ndryshe.
Për këtë arsye, më 11 maj, ndalojeni këtë regjim me votë!
Mos votoni për pushtet që ndëshkon punën dhe guximin!
Votoni për ndryshim!
Votoni Eduart Ndocaj, numri 4, Koalicioni Euroatlantik!
