Kandidati për deputet i Aleancës për Shqipërinë Madhështore në qarkun e Shkodrës, Ted Kopliku, përmes një deklarate ka denoncuar “skemat abuzive dhe gënjeshtrat që serviren nga partia në pushtet”, duke akuzuar drejtpërdrejt kreun e Bashkisë Shkodër, për shndërrimin e këtij institucioni në vatër nepotizmi.
Ndiqni të plotë deklaratën:
DEKLARATË E KANDIDATIT PËR DEPUTET TEDI KOPLIKU
Jam përpara jush, ne emer te Partise Demokratike, për të denoncuar skemat abuzive dhe gënjeshtrat që serviren nga partia në pushtet!
Jo rastesisht jam ketu, perpara kesaj godine, deri dje institucion I banoreve te Shkodres, sot nje skene krimi zgjedhor, me drejtues shume shpejt te pandehur ne SPAK dhe me kandidate, kandidate per SPAK.
Fatkeqësisht secili prej nesh e di që ajo cfarë propagandohet është shumë larg realitetit që përjetojnë cdo ditë të rinjtë shkodranë. Në bazë të monitorimit të buxhetit për vitin 2024 për start upet, nga 56 milion lekë të vjetra janë disbursu vetem 7 mln në skemën e granteve! Bashkia Shkoder, e kthyer në vatër neopotizmi që zgjedh të tërheqë pas vetës të rinj me precedent penal apo ushtare partie, si të vetmit përfitues të grantit ka kriter për disbursim të jqent patronazhist dhe jo të kesh ide inovatore.
Qarqet më të varfëra Shkodra, Lezha dhe Kukësi së bashku kanë më pak se 5 mln euro investime në 12 vite! Ndonëse janë përdorur mbi 55 miliard lekë buxhete të cilat kanë shkuar vetëm në xhepat e politikës dhe oligarkëve. Në dekadën e fundit janë larguar nga Shkodra 32000 qytetarë ku nga statistikat rezulton se 70% janë të rinj! Me një emigrim masiv, I cili tregon qartë dështimin e cdo politike për ti mbajtur këtu, duke lënë bosh shkollat, duke prish strukturen sociale, e cila zhben identitetin dhe familjen si shtylle e kombit.
Në Shkodër nuk ka një program të suksesshëm për mbështetjen e ideve të të rinjve, nuk ka transparencë, nuk ka strategji të mirfilltë për teknologjinë, inovacionin dhe nxitjen e të rinjve për të qëndruar në Shkodër. Ka vetëm premtime të vjetra me dështime të reja. Sfidoj cdo të ri të tregojë cfarë përmban program i PS për fëmijët, të rinjt, studentët apo ciftet e reja? Në cilën pikë të programit flitet për të rinjt, përvec muzikës në sfond që u vihët në cdo takim elektoral ku ata duhet të kërcejnë sipas ritmit të udhëheqësve.
Brezi jone dhe rinia jone ka barren per t’i kthyer ketij vendi madheshtine qe i takon, te zgjoje ndergjegjen civile nga agonia dhe te transformoje kercenimet e se tashmes ne shanset e se nesermes.
Vota e 11 majit është votë për ju, për vendin, për Shkodren Madhështore.
Të rinjtë e Shkodrës meritojnë më shumë se tallava dhe propagandë. Meritojnë mundësi, dinjitet dhe një të ardhme këtu, në vendin e tyre. Ta kthejme Shkodren shtepine tone, dhe shtepine ta pastrojme.
