Kryeministri Edi Rama zhvilloi sot në Vlorë një takim me tur-operatorët dhe kryetarët e bashkive bregdetare për përgatitjet për sezonin veror 2025. I paralajmëroi, ose më saktë kërcënoi bizneset. U kërkoi që të deklarojnë të gjitha netët e fjetjes.
“Bëni një hile të madhe me deklarimin e netëve të fjetjes. Për t’ju dhënë mundësi që të dilnin faqebardhë, ju kemi ulur TVSH-në prej vitesh, më poshtë se të tëra vendet e tjera. Jua kemi ulur 6% që të deklaroni se sa… nga 10 milionë e 555 mijë turistë në 2023, 3 milionë e ca net të deklaruara qëndrimi.
Është pak problem. Këtë vit do t’ju japim mundësinë që ju të bëni paradeklarim. Nëse nuk doni as kontrolle, deri në maj, do të paguani detyrimin te bashkia. Përgatituni se në 2026 nuk do keni nga të lëvizni më se do fusim platformën digjitale e-visitors” tha ai.
