Opinionistja Neda Balluku ka komentuar lënien jashtë dasmës nga ana e Loredanës dhe Jozit të Rozanës dhe Laertit.
Ajo ka thënë se po të ishin ftuar, dy banorët do i respektonin dhe do e kishin shijuar eventin. Nga ana tjetër, Neda ka kritikuar Eglin dhe Livian që sipas saj po tentonin të prishnin dasmën.
“Në mort i hapim derën dhe armikut, por në dasmë vetëm atyre që na do zemra. Jam e sigurt nga ana tjetër se po të kishte ardhur ftesa për Rozanën dhe Laertin, do e kishin shijuar dhe respektuar në maksimum. Kjo është hera e parë që ndodh që kur nuk je i ftuar, të shkosh ta prishësh dasmën. Nuk e prisja kurrë që Egli Tako, që ka luftuar të tregojë edukatën, e kishte për borxh të bëhej nuse paralele vetëm që t’i prishte dasmën Loredanës dhe Jozit.
Ti ke thënë nuk ke bërë asgjë për ta prishur dasmën, por nuk ke ndaluar Gjesti ta prishë dhe ke qeshur kur ai e ka bërë. Ty të ka marrë Gjesti në patronazh. Nga Gjesti e pres, sepse ai është i ndershëm dhe e thotë që e trajton çdo gjë me lojë, por është koherent. Ndërsa ti që 45 ditë bën morali dhe vlerën, shkon e bën motrën e hirushes. Ty dhe Livian nuk u kuptoj.
Livia je në një pikë që nuk po të njoh më çfarë do të bësh në atë lojë. Kur të thuhet se po gabon në atë që po bën , ti vazhdon me kokëfortësi e bën. Shoh që të thonë mos fol tani do dëgjosh dhe ti hesht. Kush je ti aty, çfarë po bën? Arrite deri në pikën që po kërkoje vello për Eglin. Nuk mendoj që duhet të vazhdoni me komisionin a është dashuri e vërtetë. Loredana i ka dalë të atit kundër para shqiptarëve, e duam apo jo ne Loredanën me Jozin. Po dilni si ziliqare.”- tha Neda Balluku.
