Një shtetas shqiptar, në kërkim ndërkombëtar për lidhje të dyshuara me trafikun e armëve, u ndalua në një hotel të njohur në ishujt Rosario, rreth 40 kilometra larg Kartagjenës, në një operacion të përbashkët mes Marinës Kombëtare Kolumbiane dhe efektivëve të Migracionit.
Sipas policisë vendase, ndaj shqiptarit kishte një “njoftim të kuq” të Interpolit, gjë që e bën atë një objektiv me prioritet të lartë për autoritetet ndërkombëtare.
Operacioni nisi pas një njoftimi nga Migration Columbia, e cila zbuloi alarmin e kuq duke kryqëzuar të dhënat e pasaportës shqiptarit me bazat e të dhënave ndërkombëtare. Kjo bëri të mundur identifikimin e të dyshuarit, i cili po shijonte pushimet në zonën e ishullit.
Shtetasi shqiptar, identiteti i të cilit nuk bëhet i ditur zyrtarisht, ka tentuar të arratiset kur ka vënë re praninë e personave me uniformë. Megjithatë, reagimi i shpejtë i agjentëve lejoi kapjen e tij të menjëhershme.
