Kishte ardhur për festa, por teksa po largohej mbrëmjen e djeshme u përfshi në një aksident tragjik.
Zoi Ksilla është 24-vjeçarja që humbi jetën në aksidentin tragjik që ndodhi mbrëmjen e kaluar në fshatin Zëmblak të Devollit.
E reja, me dokumente greke ishte duke udhëtuar si pasagjere në mjetin e drejtuar nga i riu Klaudio Kishta. Në rrethana ende të paqarta, ky i fundit është përplasur me një mjet të drejtuar nga Trifon Mehmeti.
Nuk bëhet e ditur nëse vajza ishte me origiinë shqiptare apo kishte ardhur në Shqipëri me miqtë e saj për të festuar.
Ajo ndodhej në njërin prej automjeteve që po udhëtonte nga Bilishti drejt Korçës, ndërsa tjetri nga Korça drejt Kapshticës.
Pas aksidentit, policia ditën e sotme ka arrestuar të dy shoferët.
