Shpetim Axhami, kryetar i PLL
Rroftë Liria!
Diktaturat gjithmon kanë fund të turpshëm!
Regjimi diktatorial në Siri, i udhëhequr nga familja Al-Assad sot u përmbys!
Ky regjim diktatorial (fillimisht Hafez al-Assad dhe më vonë Bashar al-Assad), ka qenë përgjegjës për një sërë krimesh kundër njerëzimit dhe shkeljesh të rënda të të drejtave të njeriut që nga marrja e pushtetit në vitin 1970. Këto krime u intensifikuan në veçanti gjatë Luftës Civile Siriane që shpërtheu në vitin 2011 duke shkaktuar mbi 500.000 viktima.
Pas shpërthimit të protestave në kuadër të Pranverës Arabe, regjimi i Bashar al-Assad përdori dhunë brutale për t’i shtypur ato. Forcat e sigurisë përdorën armë zjarri ndaj protestuesve, arrestime masive dhe tortura sistematike, ku qindra mijëra persona janë arrestuar nga regjimi dhe shumë prej tyre janë torturuar deri në vdekje.
Regjimi diktatorial Assad-it ka përdorur deri armë kimike në disa raste gjatë luftës civile, duke vrarë qindra njerëz, përfshirë gra dhe fëmijë dhe duke shkatërruar me bombardime qytete të tëra si Aleppo dhe Homs, spitale, shkolla etj.
Poshtërsia deri aty sa:
Regjimi ka përdorur bllokadat si armë lufte, duke izoluar komunitete të tëra dhe duke u shkaktuar urinë si mjet presioni për dorëzim.
Regjimi i Assad-it ka vazhduar të mbajë pushtetin përmes mbështetjes së aleatëve të tij, kryesisht Rusisë dhe Iranit.
Sot një ditë lirie për popullin sirian, urojmë një rrugë demokracie të vërtetë
Sot një mesazh për diktaturat, sado e fortë, e egër me mbështetje dhe e pasur të jetë kasta që shkakron diktaturë, fundi i turpshëm j saj është i pashmangshëm.
Rroftë Liria!
