Plot 115 akuza kundër Mançester Sitit që lidhen me thyerjen e rregullave “Fair-Play”, presin një vendim përfundimtar pasi është mbyllur hetimi në Angli.
Ditën e premte është mbyllur dhe seanca e fundit e hetimit, që mund të sjellë gjoba të majme dhe deri në vendimin e rënies nga Premier Ligë.
Tre persona ishte të pranishëm në panel për provat përfundimtare. Tashmë mbetet për t’u vendosur verdikti përfundimtar, të cilin prej muajsh Premier Ligë e ka si kryefjalë.
Bëhet fjalë për një periudhë 14-vjeçare ku tregohet se Siti ka thyer rregulla financiarë. Dhe pse është ruajtur sekreti i këtij hetimi, me zbardhjen e vendimit do të zbulohet i gjithë procesi.
