Kryetari i Komisionit për politikë të jashtme të Bundestagut gjerman Michael Roth, ka reaguar ashpër ndaj shpërthimit të djeshëm në Zubin Potok.
Roth e cilëson këtë akt si “metodë terroriste ruse” dhe kërkon që sulmi të hetohet me rigorozitet.
Me anë të një postimi në rrejtin social në X, rothe ka theksuar se nëse Serbia është e përfshirë në këtë sulm do të ishte një goditje e rëndë për marrëdhëniet e saj me Bashkimin Evropian.
“Këto janë metoda terroriste ruse kundër një vendi sovran në zemër të Evropës. Këto sulme duhet të hetohen pa mëshirë. Nëse Serbia qëndron vërtet pas saj, që shpresoj se nuk është, atëherë ky do të ishte fundi i negociatave të BE-së me Serbinë”, shkruan Roth.
