Aktori i famshëm, Dolph Lundgren, ka ndarë me ndjekësit e tij një lajm të mirë. 67-vjeçari ka bërë të ditur se ka arritur që të fitojë betejën e tij me sëmundjen e rëndë, kancerin.
Ai prej 9 vitesh u sfidua nga sëmundja e rëndë, nga e cila mjekët i kishin thënë se i kishin mbetur vetëm 2 vite jetë.
Lajmin e bukur Dolph e dha përmes një postimi në profilin e tij në “Instagram”, duke njoftuar se këtij udhëtimi të vështirë po i vjen fundi.
“Ja ku jam në UCLA, gati të shpëtoj nga ky tumor . Meqenëse nuk ka më qeliza kanceroze në trupin tim, mendoj se po shërohem, kështu që mezi po e pres këtë procedurë të fundit”, shkroi Lundgren në postimin e tij.
Mes të tjerash aktori 67-vjeçar shtoi se ishte një udhëtim i vështirë për të por i vlejti pasi i ka mësuar të vlerësojë jetën.
“Ishte një udhëtim i vështirë dhe me të vërtetë më mësoi se si të jetoj dhe të shijoj çdo moment të jetës”, ka thënë aktori.
