Nga Paulin MARKU
1.Sa kohë duhet të kaloj një shoqëri që disa politikanë, analistë dhe media të pushtetit aktual ta kuptojnë se ndryshimi i pushtetit është vlerë themelore e një sistemi demokratik.
2.Pushtetarët në pushtet japin llogari para qytetarëve dhe elektoratit të tyre mbi premtimet e tyre në këto 12-vite ,ndërsa opozita e 12- viteve harton pragramin dhe platformën qeverisëse për 4- vitet në vazhdim.
3.Sa kohë duhet të kalojë dhe çfarë duhet të bëjë shoqëria jonë për t’i bindur disa analistë ,disa specialist partiakë, disa politikanë dhe media që në sistemin tonë politik dhe zgjedhor koalicionet për formimin e qeverisë janë të pashmangshme, për shkak se asnjëra parti nuk mund të sigurojë shumicën e nevojshme të vendeve në parlament.
4.Habitet njeriu kur dëgjon këto ditë nga mediat, analistët, specialistët dhe politikanët duke folur vetëm për bllokun opozitar dhe shumë pak apo fare për atë të pozitës pushtetare 12- vjeçare , 4-vite në koalicion e në këto 8 vitet e fundit e vetme në pushtet.
Vertet, pyes veten: A janë normal këta njerëz apo kanë rrjedhur nga mendja?
5.A kanë pak arsye, pak logjikë dhe shpirt demokratik, apo i ka sunduar,monizmi ,servilizmi, paraja, tenderat ,konçesionet, privilegjet , krimi, trafiku dhe kontrabanda ,presioni i pushtetit apo kapja prej tij.
6.Askush nuk mund t’ia mohojë të drejtën një partie që të përpiqet të arrijë marrëveshje dhe të krijojë koalicion me partitë që beson që mund të qeverisë.
7.Të thuash dhe te flasësh natë e ditë për opozitën dhe përpozitën qeverisëse aspak ose fare , në kohën që të gjitha subjektet politike janë të barabartë dhe po fillojnë fushatën elektorale dhe presin përfundimin e rezultateve të zgjedhjeve është vërtet e pakuptimtë, këtë mund të prodhojnë vetem mendjet e ndryshkura dhe mohuese të vlerës themelore të demokracisë dhe ndryshimit të pushtetit.
8.Media është pushtet dhe si e tillë duhet të sillet si pushtetar,pa dogma servilizmi, të paguara,shpifëse dhe në shumë raste të bezdishme për publikun .
9.A duhet hetuar media si pushtet,se ku i kanë pasuritë e paligjshme,si i kanë përfituar, cilat janë burimet dhe a kanë përfituar nga taksat e shqiptarëve.
10.Një media e lirë ,e pavaruar ,jo përfituese e paligjshme ,e pa lidhur me krimin dhe politikën për përfitime personale është pozitive për zhillimin e një demokracie reale.
Kjo nuk e ka emrin demokraci !
