Rikthehet sërish në qendër të vëmendjes historia e sportistes algjeriane, Imane Khelif. Një raport mjekësor ka ringjallur polimika rreth gjinisë së boksieres së famshme.
Pak kohë më parë Imane fitoi medaljen e artë në boksin e femrave në Lojërat Olimpike të Parisit 2024, mes akuzave se ishte mashkull që nga lindja.
Ndërkohë gazetari francez, Djaffar Ait Aoudia, thuhet se ndau raportin mjekësor të Khelif, të hartuar në qershor të vitit 2023 nga ekspertët endokrinologë Soumaya Fedala dhe Jacques Young.
Raporti pretendon se Khelif ka lindur me “testikuj” dhe një “mikro-penis”. Raporti erdhi disa muaj pasi Khelif fitoi një medalje të artë në boksin e femrave në Lojërat Olimpike të Parisit, e cila u mbajt në korrik-gusht të këtij viti.
Sipas raportit të Djaffar Ait Aoudia të botuar në Lecorrespondant , raporti mjekësor tregoi “mungesë të mitrës”, praninë e “gonadeve në kanalet inguinale” (testikujt në barkun e saj), “një vaginë të verbër” dhe një mikro-penisi në formën e “hipertrofisë së klitorit”.
Mediat e huaja shkruajnë se raporti u hartua në bashkëpunim midis Spitalit Kremlin-Bicêtre në Paris, Francë , dhe Spitalit Mohamed Lamine Debaghine në Algjer, Algjeri. Ai sugjeroi gjithashtu se Imane Khelif ishte prekur nga mungesa e 5-alfa.
Por çfarë është mungesa e 5-alfa?
Mungesa, e cila prek kryesisht meshkujt, prek njerëzit në momentin e lindjes dhe ndikon në rritjen normale të organeve seksuale të fëmijës. Për shkak të mungesës, foshnjave meshkuj janë caktuar gabimisht femra për shkak të pranisë së organeve gjenitale të deformuara.
