Një operacion policor raportohet se është zhvilluar këtë të premte tek universiteti “Aleksandër Xhuvani”, në Elbasan.
Dyshohet për disa arrestime pedagogësh me urdhër të Prokurorisë. Kjo pasi disa pedagogë të Fakultetit të Ciklit të Ulët, të dyshuar për korrupsion aktiv dhe pasiv me disa studentë të këtij fakulteti, të cilët në këmbim të kalimit në lëndët ngelëse në muajin shtator kanë paguar pedagogët.
Theksojmë se rasti është ndjekur fillimisht nga një emision investigativ “Stop”, dhe më pas në ketë çështje ka hyrë policia dhe prokuroria e Elbasanit, duke nxjerrë masa ndalimi për 5 profesorë dhe një sekser.
Ndërkohë policia nuk ka dhënë ende një njoftim zyrtar për këtë rast.
