Mbytja e tmerrshme e dy influencuesve pas një feste në jaht ndodhi kur varka e tyre e mbipopulluar u fundos nga një dallgë dhe ato kishin refuzuar të mbanin jelek shpëtimi. Aline Tamara Moreira de Amorim, 37 vjeçe dhe Beatriz Tavares da Silva Faria, 27 vjeçe u gjetën të vdekura pasi nisja e tyre u fundos në një pjesë të bregdetit të Brazilit të njohur si Gryka e Djallit.
Tani gati një muaj pas mbytjes, policia thotë se ato vdiqën kur varka e tyre e mbingarkuar u mbyt teksa po kthehej në brigjet braziliane. Komisioneri i policisë së Sao Vincente, Marcos Alexandre Alfino thotë se influnecueset kishin refuzuar të mbanin jelek shpëtimi. Ai tha: “Disa nuk donin t’i vendosnin sepse po bënin selfie.”
Zbulimi erdhi pasi kapiteni i varkës, i cili nuk u emërua nga policia, kishte dhënë intervista me policinë mbi vdekjet. Kapiteni, një nga pesë të mbijetuarit, tha se ai ishte urdhëruar të merrte gjashtë influencues në breg, pavarësisht se varka e tij kishte një kapacitet maksimal prej pesë pasagjerësh. Kështu, anija u godit nga një valë e madhe dhe filloi të fundosej. Kapiteni i tha policisë se ishte përpjekur me dëshpërim për t’i shpëtuar të gjithë. Trupi i Beatriz u gjet fillimisht nga Zjarrfikësit Detarë të Brazilit.
Aline u gjet e vdekur një javë më vonë në bregdetin e plazhit Itaquitanduva. Policia tani po përpiqet të përcaktojë nëse vdekja e tyre ishte thjesht një aksident tragjik apo mund të ishte parandaluar. Komisioneri Alfino shpjegoi: ‘E gjithë kjo po përcaktohet me shumë qetësi për të konkluduar nëse viktimat janë bazuar në pakujdesi apo neglizhencë.’
Aline, mamaja e një fëmije, e cila nuk mund të notonte, kishte postuar imazhet e saj të fundit në rrjetet sociale, teksa pozonte në barkë me bikini. Trajnerja e CrossFit Beatriz kishte qenë modele që kur ishte nxënëse. Mediat lokale i emëruan të mbijetuarit si Vanessa Audrey da Silva, Camila Alves de Carvalho, Daniel Goncalves Ferreira, Gabriela Santos Lima dhe Natan Cardoso Soares da Silva.
Vanessa më vonë tha për mediat lokale se një grup miqsh dhe influencuesish ishin takuar për të festuar në një jaht luksoz dhe e kaluan ditën duke lundruar dhe duke pirë. Më vonë ata u ndanë në dy grupe për t’u kthyer në breg, por njëri vark u mbyt nga një dallgë në udhëtimin e kthimit.
Vanessa tha se kishte arritur të futej në një jelek shpëtimi dhe mbijetoi duke u kapur pas shkëmbinjve: “Kishte një moment në ujë kur askush nuk mund të shihte askënd. Unë po luftoja për jetën.” Një tjetër e mbijetuar Camila thotë se kapi një jelek shpëtimi në duar: “Ne nuk dinim të notonim. Ne u hodhëm në shkëmbinj.”
