Muzikanti i mirënjohur dhe shumë i dashur për publikun, Zhani Ciko, ka rrëfyer historinë e tij të dashurisë me bashkëshorten, Rudinën, me të cilën u njoh në vitet e universitetit.
Maestro Ciko tregoi se ai ishte pedagog, ndërsa partnerja e tij prej gati gjysmë shekulli, studionte piano.
Ndër të tjera, ai u shpreh se tek Rudina i bëri përshtypje rezultati i saj në Universitet, ndërsa tregoi se e kuptuan që dashuroheshin pas bashkëshortja mbaroi studimet.
![Zhani Ciko rrëfen historinë e dashurisë me ish-studenten e tij:](https://cdnimpuls.com/liberale.al/media3/-900-0-1717843647xzhani-ciko1-742.jpg)
“Kemi rreth një gjysmë shekulli bashkë. Ka qenë një njohje jo për t’u lidhur, por artistike kur unë isha pedagog dhe Rudina ishte nxënëse e pianos, luante dhe studionte shumë, Mua më bëri përshtypje për rezultatin e saj. Pastaj me kalimin e viteve, kur mbaroi studimet, u krijua mundësia, atëherë kuptuam që lidhja jonë ishte më e fortë.
![Zhani Ciko rrëfen historinë e dashurisë me ish-studenten e tij:](https://cdnimpuls.com/liberale.al/media3/-900-0-1717843662xzhani-ciko2-933.jpg)
Kur e pashë për herë të parë si ishte zbukuruar nusja, i thashë “unë s’të kam njohur kështu, gati-gati s’po të njihja”. Përgjithësisht është e thjeshtë dhe shumë punëtore, edhe sot e kësaj dite studion rregullisht piano”, rrëfeu Maestro në “Kurthin e Piter Pan”.