Të gjithë
Të gjithë ikën me anije.
Të gjithë janë penduar.
Të gjithë e pranuan pluralizmin.
Të gjithë kanë ndërruar mendje.
Të gjithë ja falën paret një jevge.
Të gjithë besojnë se ishte punë me mënt.
Të gjithë zgjohen të lodhur.
Të gjithë flenë të këputur.
Të gjithë mbahen për trima.
Të gjithë dhiten në brekë.
Të gjithë hanë.
Të gjithë s’ngopen.
Të gjithë mbulohen dhe mërdhifin.
Të gjithë zbulohen dhe kanë vapë.
Të gjithë dashurohen.
Të gjithë urrehen.
Të gjithë puthen.
Të gjithë kafshohen.
Të gjithë e kanë nga një cop’ pronë.
Të gjithë ankohen se s’kan asgjë.
Të gjithë e kanë nga një shtëpi.
Të gjithë ankohen se e kanë të vogël.
Të gjithë e urrejnë korrupsionin.
Të gjithë korruptohen në çast.
Të gjithë marrin ryshfet pa j’u lëvizur qerpiku.
Të gjithë japin ryshfet pa j’u dridhur dora.
Të gjithë mbahen për oratorë.
Të gjithë janë gagaçë.
Të gjithë hiqen për të ndjeshëm.
Të gjithë janë të pashpirt.
Të gjithë mbahen për të sinqertë.
Të gjithë janë rrenacakë.
Të gjithë mbahen të njerzishëm.
Të gjithë braktisin prindërit e moshuar.
Të gjithë blejnë.
Të gjithë shesin.
Të gjithë që blejnë u duken çmimet e larta.
Të gjithë që shesin u duken çmimet e ulëta.
Të gjithë, kur shesin, nuk ta japin kuponin tatimor.
Të gjithë, kur blejnë, kuptonin tatimor nuk e kërkojnë.
Të gjithë në dasma rrinë si në funeral.
Të gjithë në funeral ja kërrcasin muhabetit.
Të gjithë që janë në Fejsbuk.
Të gjithë paraqiten si nuk janë.
Të gjithë e dinë se kafene ka shumë.
Të gjithë janë të paqartë në cilën kafene të venë.
Të gjithë ankohen se televizori rren.
Të gjithë shohin televizor pafund.
Të gjithë bëjnë reportazhe pa vajtur.
Të gjithë falenderojnë.
Të gjithë politikanët gënjejnë.
Të gjithë votuesit besojnë.
Të gjithë prodhuesit mashtrojnë.
Të gjithë konsumtorët blejnë.
Të gjithë pjerdhin.
Të gjithë bëjnë sikur s’dëgjojnë.
Të gjithë të gjithve ja fusin.
Të gjithë të gjithëve ja qisin.
Të gjithë presin të vdesin.
