Të mbështetet dhe të votohet kandidati për kryetar bashkie në Kukës z.Emri Vata.
Partitë opozitare sot, kjo fatmirësisht, pavarsisht se nga e si u propozua e u përzgjodh ajo, përfaqësohen vetëm me një kandidaturë të tyre për kryetar bashkie në këto zgjedhje të pjesshme në Kukës, edhe kjo me vlera.
Por, në sigurimin e fitores, nuk mjafton mos nxjerrja e kandidatëve të tjerë prej nesh, duhet ndihmë konkrete me të gjitha forcat e mundësitë e gjithësejcilit.
Prandaj bëjmë thirrje, mos ta braktisim, por ta mbështesim kandidatin e sotëm z.Vata, që nesër të mos merremi se i kujt ishte faji i humbjes, nëse kjo ndodh, faj mbetet i të gjithëve.
Në këto ditë fushate që kanë mbetur, drejtues partie opozitare apo deputet, të lënë takimet e llogaritë për vitin 2025, kjo se si për t’u riemëruar përsëri deputet liste, si deri më sot, por të merren me dhe për fitoren e Bashkisë Kukës, sot duhen aty, edhe mbështetja morale vlen.
Fitorja e madhe duhet të nis nga fitorja e bashkisë Kukës.
Deputetët e koalicionit PD-AN dalë nga zgjedhjet e Prillit 2021 dhe drejtues të lartë të partive opozitare, të cilët njëzëri flasin për bashkim, shembull për të treguat se sa e duan bashkimin, për të mirë e në të mirë të qytetarëve, kanë sot zgjedhjet në Kukës, le të mblidhen e bashkohen me veprim, aty, në Kukës.
Drejtuesit lokal të partive opozitare dhe këshilltarët bashkiak të tyre në Kukës, me udhëzime nga qendra e duke bashkëpunuar me shtabin elektoral të kandidatit, të konkludojnë veprimet kontribuese, në të kundërt mos të gënjehemi me lug bosh, “një dorë në bakllava e një në revani” nuk shkon e nuk duhet vazhduar akoma me allishverishe të tilla.
Fitorja në Kukës, është dhe vlen shumë më tepër se fitorja e një kryetari bashkie, ajo vlen dhe shërben si një rizgjim shprese dhe bindje për ndryshim e rotacion politik të duhur, kjo për të i dhënë fund kësaj mazhorance qeverisëse e cila po varfëron e shpopullon vendin çdo ditë.
Qytetaria kuksiane duhet të orientohet si duhet e pa u gënjyer me propoganda e gënjeshtra, të mos tundohet e të mos bjerë pre e asnjë presioni a manipulimi, ajo duhet të zgjedh e votoj, duke mos shkelur parimet e duke mos devijuar nga bindjet e veta.
Partia Lëvizja e Legalitetit me të gjitha potencialet dhe strukturat e veta në Bashkinë Kukës mbeshtet dhe voton kandidatin e djathtë opozitar z.Emri Vata.
SIGLA, EMRI I KOALICIONIT SOT PËR SOT, JANË THJESHTË TEKNICITETE E ZGJIDHJE MOMENTI, ATO IKIN, VIJNË E NDRYSHONË, KRYETARI I BASHKISË ZGJIDHET DHE MBETET PËR KATËR VITE, AI GËZON DHE MBRON EMRIN E VET, KY DUHET TË JETË z.EMRI VATA.
