Psikologia Marsela Lekli
Krimi në familje godet sërish! Një tjetër grua i shtohet listës së viktimave, por kësaj radhe, dora vrastare nuk ishte mashkull, siç rëndomtazi jemi mësuar të përcillet në opinionin publik, por ishte një femër, saktësisht motra e saj.
Krimi në familje, i cili po shfaqet me mënyrat e tij të çdollojshme, qartësisht dëshmon traumën dhe dramën e shoqërisë sonë, e cila e përhumbur në tranzicionin e saj, ka atrofizuar fuqinë vetëdijësuese.
Familja shqiptare dhe vlerat rreth saj, sot janë dukshëm të kërcënuara nga faktorët social- ekonomik. Ky lloj krimi, me tregues gjithnjë në rritje dhe me një përhapje kapilare, janë alarmi i zhbërjes së çdo norme morale të shoqërisë sonë, e cila ka humbur sensitivitetin dhe racionalitetin.
