Qeveria britanike ka njoftuar se po heq të drejtën e disa studentëve të huaj për të sjellë anëtarë të familjes në Mbretërinë e Bashkuar, në një masë që synon reduktimin e migracionit.
Kryeministri britanik Rishi Sunak është zotuar të reduktojë imigracionin. Javën e kaluar ai tha se po shqyrtonte një sërë opsionesh për të reduktuar nivelet e larta të mbërritjeve, pjesë e premtimeve të tij përpara zgjedhjeve të vitit të ardhshëm.
Zyra e Brendshme e Britanisë ka njoftuar se masat e reja, të cilat zbatohen për studentët pasuniversitarë, përveç atyre që punojnë në projekte kërkimore, do të japin një kontribut “të rëndësishëm” në reduktimin e emigracionit dhe do të parandalojnë njerëzit që përdorin vizat studentore si derë e pasme për të gjetur punë në Britani.
“Ne kemi parë një rritje të paprecedentë në numrin e anëtarëve të familjes studentore që hyjnë në vend me viza” tha në një deklaratë ministrja e Brendshme Suella Braverman.
Masat e reja, të cilat do të hyjnë në fuqi nga janari 2024. Vizat studentore përbënin përqindjen më të madhe të imigracionit në Mbretërinë e Bashkuar me 486,000 të lëshuara vitin e kaluar.
