Nga Nora HALILI
Qënkan në merak të pafytyrët e pozitës se protesta me gjashtë dhjetor do na nxijë fytyrën para të pafytyrëve të Europës!
Asnjëherë nuk kam qënë entuziaste, gjithmonë realiste, që të mos them nuk kam shpresuar, pasi kjo do ishte e rëndë për gjithë ata që vazhdojnë të shpresojnë në protestat e kontrolluera. Kur them të kontrolluera kam parasyshë si janë sfumuar deri më sot protestat në vendin tonë. Gjithmonë organizohen nga partitë për interesa politike dhe personale të lidërve dhe shpesh shuhen po nga patitë e marruna vesh më parë. Kësaj here jam për protesta masive, për faktin se: Krerët e politikës Europiane duhet të dinë se populli e ka kuptuar që laku në fyt ka shkuar falë “kontributit” tyre dhe jo vetem pasojë e kprrupsionit dhe keq-qeverisjes së mafio-politikës në vend.
Nuk besoj se dhe me difiçiti në IQ të mos e këtë kuptuar zvarritjen e qëllimshme të BE-së dhe lojën kungulleshash gjatë tranzicionit pafund në vendin tonë. Nëse do egzistonte një ferr politik, Këshillit të Europës jo hipokritet që frymojnë në ambjentet e labratoreve të transfuzionit njerzor, por dhe muret do ishin bërë zjarr dhe squfur.
Kur them transfuzion njerëzor i referohem shpopullimin masiv të viteve të fundit, 800.000 shtetas shqiptar kanë lënë vendin e tyre. Nuk dua ta quaj hemoragji, pasi shkaqet nuk janë vetem të brendeshme, ky genocid modern është ideuar dhe mbeshtetur nga vende të BE-së, mirmenduar kjo levizje e moshes më aktive për të dhënë vitalitet të përkëdhelurve të “kurvës motit”, që duket se je vetem po i bien dhëmbët, por dhe fryma i është mbaruar.
Gjithëçka e nëntokes dhe mbi, gjithë resurse natyrore shkojne në xhepat e zyrtarve të deleguar dhe për konto të shteteve anëtare të BE-së. Loja me shumë porta e BE-së me Shqiperinë është indikatori më i qartë se si në këtë xhungel të quajtur Europë, ku parimet na serviren si të shenjta dhe përfaqsuesit politik si profet të “besimit europian”, de facto, i madhi han të voglin. Si alibi para krimit mbi një popull sovran, mbeshtesin donatorët e devotshëm,(mos ta ngatërrojmë me bujarinë virtyt i shqiptarit) kjo që faji mos të mbetet jetim.
Sa kohë që BE bën sikur nuk shiko, kurresesi nuk duhet të bëjmë sikur nuk kuptojmë. Ndaj protesta duhet të jetë reagim si ndaj politikave të brëndeshme dhe ndaj pengmarrëseve të BE-së.
