Shpetim Axhami, kryetar i PLL
2012-17 Nëntor-2022
Kur shteti vlerësonte ata që mundësuan krijimin e tij!🇦🇱
Si sot 10 vite më parë bashkombësit përuleshin në nderim të Mbretit të tyre NMT ZOG I Mbret i Shqiptarëve.
Nuk kishte si të ndothte ndryshe, në 100-vjetorin e parë të pavarsisë së shtetit shqiptar, vlerësohej Ai që hodhi themelet e para të krijimit modern të këtij shteti.
Në Nëntorin e vitit 2012 do shlyheshin fajet e bëra nga regjimi komunist pas LDB iniciuar që nga Kongresi i Përmetit e shkatërruar qëllimisht në vazhdimësi me vendosjen e këtij regjimi.
Mbreti Zog I e Familja Mbretërore vlerësohej për kontributin e pazëvendësueshëm në historinë e formimit të shtetit shqiptar.
Ahmet Zogut, si pjesmarrës në Shpalljen e Pavarësisë, si ministër i brendshëm dalë nga Kongresi i Lushnjes ku edhe ishte organizator kryesor i tij, si kryeministër e president, e më në fund si Mbret i Shqiptarëve po i kthehej e i vihej dinjiteti në vend.
Kthimi i eshtrave në Atdheun e Tij, rindertimi i Mazouleumit të Familjes Mbretërore hedhur në erë prej bishës komuniste me 17 Nëntor 1944, ishin pendesë dhe falje për atë që komunizmi kishte bërë padrejtësisht.
RIVARRIMI I ESHTRAVE NE ATDHE ME 17 NENTOR.
Më 15 nëntor eshtrat e Mbretit Zog u zhvendosën nga Parisi, ku preheshin që nga viti 1961 për tu riatdhesuar në Shqipëri.
Më 17 nëntor eshtrat u rivarrosën në Mauzoleumin e Familjes Mbretërore në Tiranë tashmë i rindërtuar.
Historia filloj të flasë drejt mbi figurën dhe kontributin e Ahmet Zogut dhe të Familjes Mbretërore.
Legalistët janë mirënjohës të gjithë shqiptarëve që ishin pjesëmarrës në rivarrimin e eshtrave të Mbretit Zog I atë ditë.
Ne jemi mirënjohës për vullnetin e mirë dhe atë që bëri Qeveria Shqiptare e asaj kohe nën drejtimin e kryeministrit Berisha, jemi mirënjohës ndaj vlerësimit të bërë nga kryetarët e shtetit në atë kohë, presidentit të Shqipërisë Nishani, presidentes së Kosovës Jahjaga, e shumë figurave shtetare e diplomatike, ajademike dhe kulturore.
Legalistët dhe Kryesia e PLL vlerësojmë punën këmbëngulse të Kryesisë së PLL të asaj kohe dhe ish-drejtuesve të lartë të saj për kërkesat e vazhdueshme, si detyrë të tyre, në mundësimin e këtyre arritjeve.
Ne gjendemi para 100-vjetorit të Triumfit të Legalitetit dhe 100-vjetorit të Shpalljes Mbretërisë Shqiptare e për rrjedhojë vlerësime e fakte të tjera historike na presin në të ardhme.
“ATDHEU MBI TË GJITHA”🇦🇱
