Nga Skerdjan DHULI
PD zyrtare (derisa të flasë ajo dreq gjykate) del kundër hapjes së dosjeve. Turp historik. Gafë e pashoqe.
Voton PD kundër hapjes së dosjeve të komunizmit ? Po si mund të jenë kaq pa mend këta njerëz ?
Domethënë këta i heqin viktimave të komunizmit të drejtën të dinë kush dreqin ja kopsiti dosjen për ti kalbur burgjeve, shkoi në pushkatim apo në internim ?
Pra PD që ka 32 vjet që merr votën e shtresës së viktimave të komunizmit, tani del kundër hapjes së dosjeve ?
Këta të bëjnë të të vijë turp nga vetja kur del në pasqyrë tek sheh për kë ke votuar ti, prindërit e tu, familja, dreqi e i biri për 32 vjet.
Domethënë Tomor Alizoti do votojë kundër hapjes së dosjeve ? Po do ngrihen nga varri ata 7 familjarët e tij nën tokë e do e bëjnë lanet gjakun që ju trashëgon. Do e pështyjnë në surrat…
Bujar Leskaj do votojë kundër ? Po do ngrihen të afërmit e tij në Drashovicë e do bëjnë be që ky ska lidhje me ta, e do e hedhin në Shushicë nga ura.
E kështu edhe disa të tjerë që vijnë nga shtresa e viktimave të komunizmit.
Unë e pranoj se diksuh që ka pasur babain komunist apo ka qenë vetë i privilegjuar, të votojë kundër. Ai lidhjen me PD nuk e ka shpirtërore por buxhetore. Tritan Shehu me shokë…
Por të votojnë kundër pinjollë të viktimave të komunizmit, ky është turpi i dheut.
Ps. Kush vallë e ka mallkuar kaq thellë këtë parti ? Mos ndoshta pikërisht shpirti i atyre viktimave që PD nuk i nderoi kurrë ?
