Origjinaliteti rezulton në një ide. Diçka që askush tjetër nuk do të jetë në gjendje ta përsërisë kurrë, pasi nuk mund ta shikojë atë me sytë tuaj.
Megjithatë nga secilin prej nesh, origjinaliteti nënkuptohet ndryshe. Në vend të një fjale, origjinaliteti mund të shihet si koncept. Ai kombinon krijimtarinë tonë dhe këndvështrimin individual mbi një temë ose situatë.
Origjinaliteti është cilësi e të qenurit. Kur diçka është origjinale, ajo është krijuese dhe nuk rrjedh nga diçka tjetër.
Me zhvillimet e hovshme, është sfidë më vete të qëndruarit origjinal. Presioni për të qenë origjinal dhe kreativ në një botë në të cilën të gjithë krijojnë, ndajnë dhe konkurojnë gjatë gjithë kohës është i madh.
Në vazhdim Infopressalbania ua sjellë disa thënie nga autorë të ndryshëm mbi origjinalitetin:
– Ji versioni origjinal i vetes sate dhe jo kopja e keqe e dikujt tjetër. /Judy Garland
– Origjinaliteti është një hile që njerëzit pa talent bëjnë për t’u rënë në sy njerëzve të tjerë pa talent, dhe për t’u mbrojtur nga njerëzit me talent. /William Gaddis
– Mendimi origjinal është si mëkati origjinal: të dy kanë ndodhur që para lindjes sate, njerëzve që absolutisht nuk ke njohur. /Fran Lebowitz
– Në çastin që ti kthen një fëmijë në kopjen e një tjetri, shuan shkëndijën e tij të origjinalitetit me të cilën kish ardhur në botë. /Anthony de Mello
– Njërëzit origjinal janë më të rrallë nga ç’besohet. /Giacomo Leopardi
– Sa më e fortë dhe origjinale të jetë një mendje, aq më e prirur drejt vetmisë do të jetë. /Aldous Huxley
– Është origjinal ai që rrezikon dhe eksperimenton diçka të re. /Seth Godin
– Gabimet janë forma universale e origjinalitetit. /Mason Cooley
– Cilësia kryesore e gjeniut nuk është përsosuria, por origjinaliteti, hapja e horizonteve të reja. /Arthur Koestler
– Është më mirë të dështosh duke qenë origjinal sesa të kesh sukses duke imituar. /Herman Melville
