Aktori Kevin Spacey,fitues i çmimit Oscar, akuzohet për sulm seksual. Sipas medieve të huaja aktori hollivudian, pritet të dalë para gjykatës këtë të enjte.
Muajin e kaluar prokurorët autorizuan akuzat për t’u ngritur kundër aktorit 62-vjeçar, për katër akuza për sulm seksual ndaj tre burrave dhe një akuzë tjetër ndaj një personi për t’u përfshirë në aktivitet seksual pa pëlqim.
Policia britanike njoftoi se sulmet e supozuara kishin ndodhur në periudhën mes marsit 2005 dhe prillit 2013, katër sulme në Londër dhe një në Gloucestershire.
Aktori ka reaguar lidhur me këto akuza duke thënë se është i gatshëm të mbrohet në Britani dhe se ka besim që çdo gjyq, do të vërtetojë pafajësinë e tij.
