Kalaja e Tiranës po shkon drejt zhdukjes nga ndërtimet pa leje të kryera gjatë viteve të fundit në këtë zonë arkeologjike. Sot, nëse kalon përgjatë rrugës “Murat Toptani” është e vështirë të identifikohet ky monument. Ndërtimet e kryera në mënyrë të paligjshme pranë Kalasë e kanë mbuluar thuajse plotësisht monumentin, ku dallohet thjesht një mur i parrëzuar ende në anë të rrugës. E sikur të mos mjaftonte kjo, Lulishtja para Kinema Milenium që është monument kulture i mbrojtur me ligj po tjetërsohet nga punime betoni e hekuri, duke hedhur kështu qindra vite histori që mbart ky monument kulturor i kryeqytetit.
Të gjitha ndërtimet e kryera në Lulishten pranë e Kinema Millenium janë bërë nga biznesmenit
Alban Xhillari, i njohur në Tiranë për lidhjet e tij të afërta deri para pak kohësh me Kryeministrin Edi Rama. Xhillari ka rinovuar deri në 2025 kontratën e qirasë me Ministrinë e Financave, me firmën e Arben Krajës, sekretar i Përgjithshëm.
Bashkia e Tiranës mohon të ketë dhënë leje për zhvillim ndërtimor brenda zonës së Kalasë apo Lulushtes. Pavarësisht kësaj, këto ndërtime po kryen nën juridiksion e saj terrritorial dhe pak metra larg pushtetit vendor e qëndror.
Fillimisht rreth vitit 2001 nisi rikonstruksioni i Qendrës Kuturore të Fëmijëve për ta transformuar në një kinema që njihet sot si Kinema Millenium 2. Kompania “IDA Sh.a”, në pronësi të biznemenit Alban Xhillari, përfitoi marrjen me qira të Qendrës Kuturore të Fëmijëve për një periudhë 20-vjeçare nga Ministria e Ekonomisë. Termat e qirasë kishin të bënin me shfrytëzimin e godinës ekzistuese, por investitori zgjeron hyrjen për Kinema Millenium 2. Kjo kontratë është rinovuar deri në 2025.
