Veteranët e Ushtrisë Çlirimtare të Kosovës, në shenjë nderimi për dëshmorët kanë vendosur termin “UÇK” me gërma të mëdha në fshatin Ngucat të Malishevës në Kosovë.
Kryetari i komunës së Drenasit, Ramiz Lladrovci ka shkruar se “kjo pamje e tri shkronjave të shenjta, UÇK, sa përkujtimore për shtigjet e lirisë tonë, janë në pikën strategjike dhe pikë referimi për të rinjtë tanë sot dhe brezat që vijnë se sa e çmuar është liria dhe sa i bukur është atdheu ynë”.
“Nderim për veteranët e UÇK-së për këtë punë të vyer. Ju lumtë”, shkruan ai mes të tjerash në një reagim në rrjetet sociale.
