Kryedemokrati Lulzim Basha ka mbledhur me urgjencë sekretarët dhe kryetarët e degëve të Partisë Demokratike. Faktor.al ka mësuar se në fokusin e mbledhjes është analizave e zgjedhjeve të 25 prillit. Zyrtarët e PD janë dakordësuar mos njohjen e zgjedhjeve.
Në takim pritet që të diksutohet edhe mbi zërat kritikë ndaj kryedemokratit, të cilët kanë kërkuar edhe dorëheqjen e Lulzim Bashës pas humbjes në zgjedhjet e 25 prillit.
Paraditen e sotme kreu i PD-së ka pritur në takim shefen e misionit të OSBE-ODIHR, Ursula Gacek. Të pranishëm në takim ishin edhe përfaqësues të tjerë të PD-së si Ivi Kaso dhe Oerd Bylykbashi.
Këto takim vijnë një javë pas zgjedhjeve të 25 prillit. Zgjedhjet e 25 prillit 2021 ishin të qeta dhe me incidente minimale në ditën e votimit por ankesat nga partitë edhe këtë vit nuk kanë munguar. Partia Demokratike, Lëvizja Socialiste për Integrim, dy kandidatët, Asllan Dogjani dhe Ermonela Felaj si dhe Boiken Abazi kanë kërkuar pamjet filmike nga KQZ për të parë procesin e numërimit.
PD e LSI akuzojnë PS-në se krijoi një industri elektorale dhe se vota u manipulua jo vetëm duke u blerë, por me një sërë mjetesh që deformuan vullnetin e qytetarëve. PS doli fituese me 74 mandate, PD me 59, LSI me 4 dhe PSD me 3.
