Presidenti amerikan kërcënon të mbyllë të gjithë kufirin. Refuzohet përpjekja e parë për të kaluar kufirin nga një grup prej 200 personash
Presidenti amerikan Donald Trump ka autorizuar trupat në kufirin SHBA-Meksikë që ” të përdorin forcën vdekjeprurëse” nëse është e nevojshme, ndaj karvanit të emigrantëve që po afrohet. Trump, duke folur për gazetarët në Mar-a-Lago, ka kërcënuar edhe për të mbyllur “të gjithë kufirin.”
Lajmi është transmetuar nga CNN. “Në qoftë se duhet, ata do të përdorin forcën vdekjeprurëse, kam dhënë ok – tha Trump -. Në qoftë se duhet dhe shpresoj se nuk do të lind nevoja. Nuk kam zgjidhje tjetër.” Trump foli për rreth 500 kriminelë brenda karvanit. Rreth 6,000 ushtarë janë në kufirin midis SHBA dhe Meksikës.
Autoritetet meksikane kanë bllokuar përpjekjen e parë për të arritur në kufirin me Shtetet e Bashkuara nga ana e karavanit të emigrantëve që erdhën nga Hondurasi. Policia federale dhe lokale ka penguar 200 nga 4.000 emigrantët që mbërritën në ditët e fundit në Tijuana, në afërsi të kufirit, për tu shkëputur nga grupi dhe të drejtoheshin në drejtim të kufirit, ku Administrata Trump ka rritur sigurinë duke dërguar mijëra trupa ushtarake përforcim.
Është quajtur “Qëndroni në Meksikë” masat mbi të cilat administrata Trump është duke punuar për të detyruar azilkërkuesit të cilët paraqiten në pikat kufitare të SHBA, duke pritur në Meksikë që kërkesa për azil të rishikohet. Kjo është zbuluar nga Washington Post, i cili zbuloi planin që mund të hyjë në fuqi sot. Dhe kjo parashikon që emigrantët të cilët nuk mund të provojë “frikë të arsyeshme” të persekutimit në Meksikë pasi kërkesa është bërë në kufi , do të refuzohen dhe kthehen mbrapsht./360grade.al
