Pas përfundimit të ceremonisë mortore të 35-vjeçarit grek Kostantinos Katsifas, i cili mbeti i vrarë gjatë një shkëmbimi zjarri me forcat RENEA, ka reaguar edhe ish-deputeta e Partisë Drejtësi Integrim dhe Unitet, Mesila Doda.
Me anë të një postimi në rrjetet sociale, Doda shprehet se arsyeja se përse ka heshtur deri më tani për rastin në fjalë, është zakoni i shqiptarëve për të mos folur keq për të vdekurit.
Sipas saj, Katsifas nuk është hero, por turp i minoriteteve në vend.
“Ne shqiptaret e kemi zakon qe nuk flasim keq per te vdekurit e duke ju permbajtur ketij kodi kam heshtur deri me tani. Po qe per nje terrorist na shkulen deputete e na tregojne nderimin per terroristin kjo eshte e tepert. Kocifas nuk eshte heroi i Bularatit, eshte turpi i tyre dhe i minoritareve shqiptare qe mori armen e doli ne mes te fshatit duke shtene. Ekstremizmi nuk nderohet, denohet. E mos e harroni, sa kohe do kete varreza te ushtareve greke do kete edhe provokime te forcave te erreta paramilitare greke ne jug te vendit.”, – shkruan Doda.
(B.B/ Faxweb.al)
